جهان
انتخابات تاجیکستان، امام‌علی رحمان برای پنجمین بار رئیس جمهور می‌شود.
کمیسیون مرکزی انتخابات و همه‌پرسی تاجیکستان نتایج مقدماتی انتخابات ریاست جمهوری این کشور را امروز دوشنبه، بیست‌ویکم میزان، اعلام کرد.
بر اساس اعلام این کمیسیون، امام‌علی رحمان برنده انتخابات روز گذشته تاجیکستان شده است.
این برای پنجمین‌بار در ۲۶ سال اخیر است که امام‌علی رحمان به ریاست جمهوری این کشور می‌رسد.
در انتخابات ریاست جمهوری روز یک‌شنبه در تاجیکستان چهار میلیون و ۲۲۱ هزار و ۷۶ نفر شرکت کرده بودند.
طبق اعلام کمیسیون برگزارکننده این انتخابات، امام‌علی رحمان آرای بیش از ۹۰ درصد شرکت‌کننده‌گان انتخابات دیروز را به دست آورده است.
آرای باقی‌مانده بین چهار نامزد دیگر این انتخابات تقسیم شده است.
