وزارت صحت: از شهروندان کشور خواهش می‌کنیم در سالروز شهادت احمدشاه مسعود خون اهدا کنند.

وزارت صحت عامه کشور اعلام کرده است که قرار است به مناسبت نزدهمین سالروز شهادت احمد شاه مسعود “قهرمان ملی کشور” و “هفته شهید” کمپاین جمع آوری خون را به روز سه شنبه( ۱۸ سنبله ۱۳۹۹) در ساحات گوناگون شهر کابل راه اندازی نماید.

در اعلامیه این وزارت آمده است بنا از تمام شهروندان کشور خواهشمندیم که وزارت صحت عامه را در این امر خیر یاری نموده و برای نجات جان هموطنان نیازمند مان به این مراکز: بانک خون مرکز، شفاخانه وزیر محمد اکبرخان، شفاخانه جمهوریت، شفاخانه ابن سینا، شفاخانه رابعه بلخی، شفاخانه ملالی و شفاخانه استقلال، رفته خون اهدا نمایید!