وزیر صنعت و تجارت طالبان در رأس یک هیأت عازم اوزبیکستان شد

نورالدین عزیزی، وزیر صنعت و تجارت طالبان، در رأس یک هیأت به منظور شرکت در کنفرانس بین‌المللی تاشکند، به اوزبیکستان سفر کرده است.

وزارت صنعت و تجارت طالبان روز دوشنبه، ۱۹ جوزا، در خبرنامه‌ای هدف از این سفر را شرکت در چهارمین کنفرانس بین‌المللی تاشکند و پیگیری تعهدات قبلی عنوان کرده است.

به گفته این وزارت، هیأت طالبان از سوی مقام‌های اوزبیکستانی دعوت شده است.

در خبرنامه آمده است که در حاشیه این نشست، هیأت طالبان با مقام‌های اوزبیکستان و سایر کشورهای شرکت‌کننده دیدار خواهند کرد.

طالبان پس از تسلط مجدد بر افغانستان، روابط تجاری نزدیکی با اوزبیکستان برقرار کرده‌اند